Friday, 22 September 2017

NFTCL
கடலூர் மாவட்ட மாநாடு 

NFTCL
கடலூர் மாவட்ட மாநாடு

24/09/2017 – ஞாயிறு  
காலை 10 மணி – விழுப்புரம்

கொடியேற்றம் – கல்வெட்டு திறப்பு – கருத்தரங்கம் – 
அமைப்பு நிலை – செயல்பாட்டறிக்கை – நிதியறிக்கை – 
விவாதங்கள் – புதிய நிர்வாகிகள் தேர்வு – தீர்மானங்கள்.

பங்கேற்பு
தோழர்.S.ஆனந்தன்
NFTCL மாநிலச்செயலர்

தோழர்.M.சேகர்
AITUC மாவட்டச்செயலர்

தோழர்.C.K.மதிவாணன்
பொதுச்செயலர் – NFTCL

மற்றும் தலைவர்களும்… தோழர்களும்….
தோழர்களே… வாரீர்…

Thursday, 21 September 2017

குத்தகையை ரத்து செய்… 


இன்று தேதி….22
இன்றுவரை ஒப்பந்த ஊழியர்களுக்கு..
காரைக்குடி மாவட்டத்தில் கூலி கொடுக்கப்படவில்லை…
ஜூன் மாதம் வரை பல ஒப்பந்தகாரர்களுக்கு பில்கள் பட்டுவாடா செய்யப்பட்டிருந்தும் கூட அவர்கள் கூலியைத் தர மறுக்கின்றனர்.

எல்லா பில்களும்  பட்டுவாடா ஆனால்தான்
கூலியைக் கொடுப்பது என்ற இறுமாப்பு நிலைக்கு
ஒப்பந்தகாரர்கள் சென்று விட்டனர்.

தொலைபேசியில் அழைத்தால் அவர்கள் சட்டை செய்வதில்லை…
ஒப்பந்தகாரர்களது அலுவலகத்தைத் தொடர்பு கொண்டால்…
இதோ.. எங்கள் உரிமையாளரைப் பேசச்சொல்கின்றோம்..
என்று சொல்லி விட்டு நம்மை அலைபேசியில்
அநாதையாக விட்டு விட்டு சென்று விடுகின்றனர்.
நிர்வாக அதிகாரிகள் தொடர்பு கொண்டாலும் இதே நிலைதான்…

எனவே…
காரைக்குடி மாவட்டத்தில்…
தொழிலாளர் சட்டங்களுக்குப் புறம்பாக செயல்படும்
ஒப்பந்தகாரர்களின் குத்தகையை ரத்து செய்யவும்….
அவர்களைக் கறுப்புப் பட்டியலில் 
BLACK LISTல் சேர்க்க கோரியும்…

இன்று 22/09/2017 மதியம் 01.00 மணியளவில்
காரைக்குடி பொதுமேலாளர் அலுவலகம் முன்பாக 
கண்டன ஆர்ப்பாட்டம் 
நடைபெறும்…
ஒப்பந்த ஊழியர்கள் அனைவரும்
தவறாது கலந்து கொள்ள வேண்டுகின்றோம்.

Wednesday, 20 September 2017

நிகழ்வுகள்

24/09/2017
NFTCL 
கடலூர் மாவட்ட மாநாடு
விழுப்புரம்.
----------------------------------------------------------------
25/09/2017
NFTE 
தூத்துக்குடி மாவட்ட மாநாடு
தூத்துக்குடி.
----------------------------------------------------------------
26/09/2017
NFTE
மதுரை மாவட்டச்செயற்குழு
வத்தலக்குண்டு.
----------------------------------------------------------------
27/08/2017
NFTE
தோழர்.பாலகுரு
பணிநிறைவு பாராட்டு விழா
திருச்சி
----------------------------------------------------------------
28/09/2017
தோழர்.சென்னக்கேசவன்
பணி நிறைவு பாராட்டு விழா
வேலூர்.
----------------------------------------------------------------
02/10/2017
NFTCL
கோரிக்கை மாநாடு
திருச்சி.
----------------------------------------------------------------
06/10/2017
NFTE 
தமிழ் மாநிலச்செயற்குழு
தஞ்சை
----------------------------------------------------------------
12/10/2017  & 13/10/2017
NFTE 
மத்திய செயற்குழு
விஜயவாடா.

Monday, 18 September 2017

அஞ்சலி...தோழர்.S.பிச்சுமணி 
தோழர்.S.பிச்சுமணி


புதுவையின் மூத்த தோழர்.S.பிச்சுமணி அவர்கள் 
உடல்நலக்குறைவால் சென்னையில் இயற்கை எய்தினார். 

போராட்டங்களில் புடம் போடப்பட்டவர். 
பல்வேறு பழிவாங்குதல்களைச் சந்தித்த போதிலும் 
அயராது சங்கப்பணி ஆற்றியவர். 
புதுவை NFTE இயக்கத்தோடு இரண்டறக்கலந்தவர். 

அவரது மறைவிற்கு நமது செங்கொடி தாழ்த்திய 
அஞ்சலியை உரித்தாக்குகின்றோம்.
தோழியர்.சத்தியம்மாள்- இரங்கல் கூட்டம் 

உடல்நலக்குறைவால் அகால மரணமுற்ற
 மதுரை முன்னணித்தோழியர்.
சத்தியம்மாள் 
அவர்களுக்கு நினைவஞ்சலிக்கூட்டம் 
18/09/2017 அன்று மதுரை 
NFTE சங்க அலுவலகத்தில் நடைபெற்றது.
 தோழர்களும், தோழியர்களும் கலந்து கொண்டு தோழியர்.சத்தியம்மாள் அவர்களின் சங்கப்பற்றினை, 
சீரிய குணநலன்களை நினைவு கூர்ந்தனர்.

தோழியர்.சத்தியம்மாள் அவர்களின்
மறைவிற்கு நமது அஞ்சலி உரித்தாகுக...

Friday, 15 September 2017

சிறந்த ஊழியர் விருது அறிவிப்பு

தமிழ் மாநிலத்தின் 2016ம் ஆண்டிற்கான 
சிறந்த அதிகாரிகள் மற்றும் ஊழியருக்கான 
VISHIST SANCHAR SEWA 
விருதுகள் அறிவிக்கப்பட்டுள்ளன.

ஊழியர்கள்

S.குணசேகர் – TM -  தூத்துக்குடி
S.இராதாகிருஷ்ணன் – DRIVER – நெல்லை
V.மணி – SR.TOA – காரைக்குடி
S.மைக்கேல் அல்போன்ஸ் – STM – கோவை
V.சந்திரசேகர் – SR.TOA – சென்னை
S.கிருஷ்ணன் – TTA – குடந்தை
PB.பாலாஜி – TTA – கோவை
G.பிரியா – TTA – திருச்சி

அதிகாரிகள்

S.டைட்டஸம் – SDE – நாகர்கோவில்
O.அன்பழகன் – SDE - திருச்சி
VK.முரளிதரன் – JAO – சென்னை
A.பாண்டியன் – AGM – காரைக்குடி
K.சமுத்திரவேலு – DGM – கடலூர்
V.சிவக்குமார் – SR.SDE – சென்னை

விருது பெற்ற தோழர்களுக்கு நமது நல்வாழ்த்துக்கள்.
காரைக்குடி மாவட்டத்திற்கு ஊழியர் மற்றும் அதிகாரிகள் 
என இரண்டு பிரிவிலும் விருதுகள் கிடைத்துள்ளன.
விருது பெற்றுள்ள தோழர்.V.மணி நமது சங்கத்தோழர் என்பதும், விரைவில் ஓய்வு பெறவுள்ள அவருக்கு உரிய அங்கீகாரம் கொடுக்கப்பட்டுள்ளது என்பதும் நமக்கு மிக்க மகிழ்ச்சி.

அதிகாரிகள் பிரிவில் விருது பெற்றுள்ள 
தோழர். A.பாண்டியன் SNEA சங்கத்தின் மாவட்டச்செயலர். 
நேர்மையும் கடமை உணர்வும் கொண்ட தோழர். சங்கப்பற்று மிக்கவர். இருவருக்கும் நமது நல்வாழ்த்துக்கள்.

Thursday, 14 September 2017

ஆர்ப்பாட்டம்
BSNL  அனைத்து அதிகாரிகள் & ஊழியர்கள் கூட்டமைப்பு 

BSNL செல் கோபுரங்களைத் தனியாகப் பிரித்து
 துணை நிறுவனம் துவங்க ஒப்புதல் அளித்துள்ள
 மத்திய அமைச்சரவையின் 
BSNL விரோத முடிவைக் கண்டித்து...

BSNL அனைத்து அதிகாரிகள் மற்றும் 
ஊழியர்கள் சங்கங்கள் இணைந்த...

நாடு தழுவிய 
கண்டன ஆர்ப்பாட்டம்

15/09/2017 – வெள்ளிக்கிழமை – மதியம் 01.00 மணி
பொதுமேலாளர் அலுவலகம் – காரைக்குடி.


தோழர்களே… அணி திரள்வீர்…

Wednesday, 13 September 2017

 NFTE – NFTCL
BSNLEU – TNTCWU
இணைந்த ஆர்ப்பாட்டம்

14/09/2017 – வியாழன் – மாலை 05.00 மணி
பொதுமேலாளர் அலுவலகம் – காரைக்குடி.

  • போராடும் மாநில அரசு ஊழியர்களுக்கு ஆதரவாக…
  • செல் கோபுரங்களைத் தனி நிறுவனமாகப் பிரிப்பதற்கு எதிராக…
  • வாடிக்கையாளர் சேவை மையங்களைத் தனியாருக்குத் தாரை வார்க்கும் செயலுக்கு எதிராக….
 தோழர்களே… அணி திரள்வீர்….
இரங்கல் 
தோழர்.T.முத்துக்கிருஷ்ணன் 

SEWA BSNL தமிழ்மாநிலச்செயலர் 
தோழர்.T.முத்துக்கிருஷ்ணன் 
அவர்களின் மறைவிற்கு 
நமது ஆழ்ந்த இரங்கலை 
உரித்தாக்குகின்றோம்.

Tuesday, 12 September 2017

செல் கோபுரங்கள் தனி நிறுவனம்

BSNL நிறுவனத்தில் உள்ள ஏறத்தாழ 66000 செல் கோபுரங்களைப் பிரித்து தனி துணை நிறுவனம் உருவாக்கிட 12/09/2017 அன்று பிரதமர் மோடி தலைமையில் கூடிய மத்திய அமைச்சரவை ஒப்புதல் அளித்துள்ளது. இந்த துணை நிறுவனம் BSNLன் கட்டுப்பாட்டில் இருக்கும் என கூறப்பட்டுள்ளது. அனைத்து செல் கோபுரங்களும் அனைத்து நிறுவனங்களும் பகிர்ந்து கொள்ளும் வகையில் பயன்படுத்திக் கொள்ளப்படும் என கூறப்பட்டுள்ளது.

கோபுரங்களைத் தனியாக பிரிக்கும் அரசின் 
முடிவிற்கு எதிர்ப்புத் தெரிவித்து டிசம்பர் 2016ல் BSNLன் அனைத்து சங்கங்களும் வேலை நிறுத்தம் செய்த போதிலும் அரசு எதனையும் கண்டு கொள்ளவில்லை. வழக்கம் போலவே தற்போதைய அரசு தன்னுடய முடிவில் எந்த மாற்றங்களையும் செய்வதில்லை. 
அரசின் மோசமான முடிவுகளை மக்கள் எதிர்த்தாலும் 
அரசு எதிர்ப்புக்களைப் பற்றியோ விளைவுகளைப் பற்றியோ கவலைப்படுவதில்லை. மோசமான முடிவாக இருந்தாலும் தற்போதைய அரசு அதை மறுபரிசீலனை செய்வதில்லை. போராட்டங்கள் செய்தாலும் துளியும் அலட்டிக்கொள்வதில்லை. தானடித்த மூப்பாக தனது முடிவுகளை அமுல்படுத்துவதில் 
அரசு கண்மூடித்தனமாக உள்ளது.  எனவே செல் கோபுரங்கள் பிரிப்பதைத் தடுப்பது என்பது நமக்கு மிகப்பெரும் சவாலாக அமையும்.  மிகமிகக்கடுமையான போராட்டத்தின் மூலம் நமது எதிர்ப்பைக் காட்டாத வரையில் தற்போதைய அரசு தனது முடிவுகளை மறுபரிசீலனை செய்யாது என்பதே தற்போதைய நிலவரமாகும்.

இத்தாலியில் 800 ஆண்டு பழமையான பைசா நகரத்து 
சாய்ந்த கோபுரத்தை மேலும் சாயவிடாமல் தடுத்து விட்டனர். 
10 ஆண்டுகளுக்கும் மேலாகப் பணிபுரிந்து இந்த சாதனையைச் செய்துள்ளனர். அங்கு சாய்ந்த கோபுரங்கள் காக்கப்படுகின்றன. 
இங்கோ நிமிர்ந்த கோபுரங்கள் சாய்க்கப்படுகின்றன. 
அங்கு பாரம்பரியம் காக்கப்படுகின்றது.  இங்கோ பொதுத்துறை என்னும் பாரம்பரியம் திட்டமிட்டு அழிக்கப்படுகின்றது. 
அது இத்தாலி…. இதுதான் இந்தியா…

Sunday, 10 September 2017

செல்ல விட மாட்டோம்… சேவை மையங்களை…

நாடு முழுவதுமுள்ள...BSNLன்...
3300 வாடிக்கையாளர் சேவை மையங்களில்...
சுமார் 500 சேவை மையங்களைத் 
தனியார் வசம் ஒப்படைக்கத்துடிக்கும்
BSNL நிர்வாகத்தின் மோசமான முடிவை எதிர்த்து
சென்னையில் மாபெரும் கண்டன ஆர்ப்பாட்டம்…..

கண்டன உரை

தோழமைப்பங்கேற்பு 

தூய சேவை… நம் கொள்கை…
துரித சேவை…. நம் குறிக்கோள்….
தூய சேவை... தொடர்ந்திடுவோம்…
துரித சேவை... பெருக்கிடுவோம்….
தனியார் சேவை... தடுத்திடுவோம்…
அணி திரள்வீர்…. தோழர்களே….


ஓய்வூதியர் குறை தீர்ப்பு நாள்

 தென்பகுதி மாவட்டங்களுக்கான
ஓய்வூதியர் குறை தீர்ப்பு நாள்

15/09/2017 – வெள்ளிக்கிழமைகாலை 10.30 மணி
BSNL பொதுமேலாளர் அலுவலகம்மதுரை

காரைக்குடி, மதுரை, நாகர்கோவில்,
தூத்துக்குடி, நெல்லை மற்றும் விருதுநகர்
தொலைத்தொடர்பு மாவட்டங்களைச் சேர்ந்த
BSNL ஓய்வூதியர்கள் கலந்து கொள்ளலாம்.
பாதி விழா

மகாகவி பாரதி விழா
17/09/2017 – ஞாயிறு – காலை 10 மணி
தேவகோட்டை.

கவியரங்கம் – கருத்தரங்கம் -கலையரங்கம்
 தோழர்.சி. முருகன் எழுதிய 
வுள் நூல் வெளியீடு…

பங்கேற்பு
தவத்திரு குன்றக்குடி அடிகளார்
நாவலாசிரியர் பொன்னீலன்
நீதியரசர் மகாதேவன்
துணைவேந்தர் சுப்பையா
 மற்றும் ஆன்றோர்களும்….
தமிழாய்ந்த சான்றோர்களும்…

தோழர்களே… வாரீர்….
அனைவரையும் அன்புடன் அழைக்கும்…
தமிழ்நாடு கலை இலக்கியப்
பெருமன்றப் பாரதி தமிழ்ச்சங்கம்
தேவகோட்டை.
செப்டம்பர் - 11
மகாகவி பாரதி நினைவு நாள்… 
மகாகவி பாரதி காரைக்குடி வந்தபோது எடுத்த புகைப்படம்...
உடன் தமிழ்க்கடல் ராய.சொக்கலிங்கம்
 
எண்ணிலா  நோயுடையார்
இவர்.. எழுந்து நடப்பதற்கும் வலிமையிலார் ..
கண்ணிலாக் குழந்தைகள் போல்..
பிறர் .. காட்டிய வழியிற் சென்று மாட்டிக்கொள்வார்..
நண்ணிய பெருங்கலைகள் 
பத்து   நாலாயிரங் கோடி
நயந்து நின்ற புண்ணிய நாட்டினிலே
இவர்    பொறியற்ற விலங்குகள் போல வாழ்வார்
நெஞ்சு பொறுக்குதிலையே..
இந்த… நிலைகெட்ட மனிதரை நினைந்துவிட்டால்
 ----------------------------------------------------------------------
பாரதியின் வரிகள்…
பாரத தேசத்தின் வலிகள்…
பாரதியை நினைவுறுவோம்...
தாழ்ந்திடும்... பாரதத்தை.. 
மேரு செய்வோம்...

Friday, 8 September 2017

அனைவருக்கும் நன்றி…

காரைக்குடி NFTE  மாவட்டச்செயலருக்கு 
18/07/2017 அன்று LONG STAY என்ற அடிப்படையில்
மும்பைக்கு மாற்றல் இடப்பட்டது. 
மாநிலச்சங்கம் மத்திய சங்கத்தின் கவனத்திற்கு
பிரச்சினையைக் கொண்டு சென்றது.
மத்திய மாநில சங்கங்களின் முயற்சியால்
இன்று 08/09/2017 மாற்றல் உத்திரவு ரத்து செய்யப்பட்டுள்ளது. 

மாற்றல் உத்திரவை ரத்து செய்வதில்...
பெரும்பங்காற்றிய அனைத்து NFTE தலைவர்களுக்கும்...
உத்திரவு எப்போது ரத்து ஆகும்? என
ஆதங்கத்தோடு அனுதினமும் குரல் எழுப்பிய அன்புத்தோழர்களுக்கும்...
நமது நன்றிகள் உரித்தாகுக.

தோற்பதில்லை... தொழிற்சங்கம்….
தோற்றதில்லை…. NFTE… 

Wednesday, 6 September 2017

காந்தி முதல்... கெளரி வரை…. 


தோட்டாக்கள் தீரும் வரை எழுதித் தீர்ப்போம்.
எழுதுகோல் உங்களை அச்சுறுத்தினால்
பீரங்கிகளைக் கொண்டு வாருங்கள்
எழுதும் கரங்களையெல்லாம்
ஓர் இடத்தில் அடைத்து அணுகுண்டு வீசுங்கள்...
துப்பாக்கிக் குண்டுகளுக்குப் பின்பும்
வீரியமிக்க எழுத்துக்கள்.. 
முளைத்துக்கொண்டுதான் இருக்கும்” … 
என்று
வலதுசாரிகளைப் பார்த்து…
வலிமையுடன் முழங்கினார்…
கர்நாடகாவின்... கெளரி லங்கேஷ்…

அன்று...
தேசத்தந்தையின் தேகத்தின் மீது….
பாய்ந்த அதே குண்டுகள்…
இன்று...
முற்போக்கு எழுத்தாளர்…
கெளரி லங்கேஷ் மீது..
ஈவிரக்கமின்றி பாய்ந்துள்ளது…

பேனா முனையைக் கண்டு….
பேதலித்துப் போன பேடிகள்….
துப்பாக்கி முனையில் பழி கேட்கும்…
துன்மார்க்க நிலை… துயரமிக்க நிலை…

இரத்தச்சேற்றில் வளர்கிறது தாமரை…
இரத்தக் கறையில் ஜொலிக்கிறது காவி நிறம்…

இது…
காளியின் தேசமா?
கல்லறைப்பசி கொண்ட…
காலிகளின் தேசமா?...

இங்கு….
துப்பாக்கிச்சத்தம் தொடர்ந்திடுமா?
துர்ப்பாக்கிய நிலை பெருகிடுமா?
ஆயுத எழுத்துக்கள் மீது…. ஆயுதங்களா?

இந்நிலை மாற்றிட…
இந்திய தேசமே எழுந்திடு….

ஆயுத எழுத்துக்களால்…
கெளரி லங்கேஷிற்கு...
அஞ்சலி செலுத்திடு….

ஈவு.. இரக்கமற்ற... 
ஆயுதப்பேடிகளை அழித்திடு...