Tuesday 20 June 2017

கட்டுப்படுத்து… காலம் வரும்

கல்வியில்  வியாபாரம்..
மருத்துவத்தில்  மகசூல்…
தொழிலகங்களில் சுரண்டல்…
உளைச்சல் கண்ட விளைச்சல்…
மாற்று மதத்தவனுக்கு மரணப்பரிசு…
ஒடுக்கப்பட்டவனுக்கு அடியும்… உதையும்..
அரசியலில் கலப்படம்… அரிசியிலும் கலப்படம்…
மாடுகளுக்கு மரியாதை… மனிதனுக்கு சவக்குழி…
நாளும்பொழுதும் நலிந்து சாகும் தொழிலாளிகள்…
நாளும்பொழுதும் அறுவடை..காணும் முதலாளிகள்…

இந்தியக்குடிமகனே…
இதையெல்லாம் கண்டு மனம் நோகாதே…
இதோ…
பிற்படுத்தப்பட்டவர் பிரதமர்…
தாழ்த்தப்பட்டவர் ஜனாதிபதி…
போதாதா… உன் தலைமுறைக்கு…

யோகாதினம் வருகிறது... 
யோகதினம் வருமா? 
யோகா… என்றால் 
மனதைக் கட்டுப்படுத்துவதாம்…
கட்டுப்படுத்து மனதை… 
காலம் வரும்.. நேரம் வரும்….

No comments:

Post a Comment