Tuesday, 17 October 2017

தீபத்திருநாள் நல் வாழ்த்துக்கள்
deepavali animation greetings க்கான பட முடிவு
அனைவருக்கும்  
தீபத்திருநாள்  
நல்வாழ்த்துக்கள் 
TTA இலாக்காத்தேர்வு

2016ம் ஆண்டு காலியிடங்களுக்கான JE (TTA) இலாக்காத்தேர்வு அறிவிக்கப்பட்டுள்ளது. இதற்கான அறிவிப்பு CORPORATE அலுவலகத்தால் 16/10/2017 அன்று வெளியிடப்பட்டுள்ளது.

மொத்தக்காலியிடங்கள் – 8834
தமிழகத்தில் மொத்தக்காலியிடங்கள் = 774
OC/OBC பிரிவு = 591... SC பிரிவு=122... ST பிரிவு= 61
தேர்வுக்கு விண்ணப்பிக்கும் நாள் – 15/12/2017
தேர்வுக்கு விண்ணப்பிக்க கடைசி நாள் : 15/01/2018
தேர்வு நடைபெறும் நாள் : 28/01/2018
தேர்வு ONLINE முறையில் நடைபெறும்.
தேர்வு 3 மணி நேரம் நடைபெறும்.
தேர்வு OBJECTIVE ரகம்.
தவறான பதிலுக்கு ¼ மதிப்பெண் குறைக்கப்படும். (NEGATIVE MARKS)

01/07/2016 அன்று வயது 55க்கு கீழ் இருக்க வேண்டும்.
கல்வித்தகுதி பன்னிரண்டாம் வகுப்புத் தேர்ச்சி அல்லது
இரண்டாண்டு ITI தேர்ச்சி அல்லது 3 ஆண்டு DIPLOMA தேர்ச்சி.

01/07/2016 அன்று 5 ஆண்டு சேவைக்காலம் இருக்க வேண்டும்.
ரூ.9020 – 17430 சம்பள விகிதத்தில் இருக்க வேண்டும்.
அதற்கு கீழ் உள்ளவர்கள் விண்ணப்பிக்க முடியாது.
TTA சம்பளத்திற்கு சமமான சம்பளவிகிதத்தில் உள்ளவர்களும் விண்ணப்பிக்கலாம். அத்தகைய ஊழியர்களுக்கு ஒரு ஆண்டு உயர்வுத்தொகை மட்டும் வழங்கப்படும்.


தோழர்கள் தேர்வுக்குத் தயாராகவும்….

Monday, 16 October 2017

கந்தக மலர்கள்

காகிதங்களில் கல்வியை அறிந்ததில்லை…
காகிதங்களில் கந்தகமே அறிந்தோம்…

கந்தகம் எரிந்தால்தான்…
காந்துகின்ற எங்கள் வயிறு அணையும்…

புத்தகங்களை நாங்கள் புரட்டியதில்லை….
கந்தகங்களே எங்கள் வாழ்வைப் புரட்டிப்போடும்…

நாடாள்வோர்... 
நமத்துப்போன பட்டாசாகிப் போனபின்…
நாங்கள் யாரிடம் சொல்வோம்… செல்வோம்…
உணர்வோடு நடைபெற்ற
ஒன்றுபட்ட ஆர்ப்பாட்டம்
காரைக்குடியில் நடைபெற்ற ஆர்ப்பாட்டம் 

இராமநாதபுரத்தில் நடைபெற்ற ஆர்ப்பாட்டம் 
 
சிவகங்கையில் நடைபெற்ற ஆர்ப்பாட்டம் 
16/10/2017 அன்று அனைத்து சங்க ஆர்ப்பாட்டம்
 காரைக்குடி தொலைத்தொடர்பு மாவட்டத்தில்
 காரைக்குடி, இராமநாதபுரம் மற்றும் சிவகங்கை
  ஆகிய இடங்களில் மிக்க எழுச்சியோடு நடைபெற்றது. 
கலந்து கொண்ட அனைத்து தோழர்களுக்கும் நமது வாழ்த்துக்கள்.

Sunday, 15 October 2017

 அனைத்து சங்க ஆர்ப்பாட்டம் 

ALL UNIONS AND ASSOCIATIONS OF BSNL
BSNL அனைத்து தொழிற்சங்கங்கள் கூட்டமைப்பு
காரைக்குடி தொலைத்தொடர்பு மாவட்டம்
--------------------------------------------------------------------------------------------------------------------------------
செல்கோபுரங்கள் தனி நிறுவனம்
துவங்குவதை நிறுத்தக்கோரி…

  BSNL அதிகாரிகள் மற்றும் ஊழியர்களுக்கு 
3வது ஊதியமாற்றத்தை உடனடியாக அமுல்படுத்தக்கோரி….
----------------------------------------------------------------
நாடு தழுவிய
ஆர்ப்பாட்டம்
16/10/2017 – திங்கள் – மாலை 05 மணி.
----------------------------------------------------------------
ஆர்ப்பாட்டம் நடைபெறும் இடங்கள்

கல்லுக்கட்டி தொலைபேசி நிலையம் – காரைக்குடி
பங்கேற்பு : தோழர்கள்
A.பாண்டியன் - மாவட்டச்செயலர் – SNEA
V.மோகன்தாஸ் – மாவட்டச்செயலர் - AIBSNLEA
G.முத்துக்குமரன் - மாவட்டச்செயலர் – FNTO
M.பூமிநாதன் - மாவட்டச்செயலர் – BSNLEU
B.லால்பகதூர் – மாவட்டத்தலைவர் – NFTE

தொலைபேசி நிலையம் – இராமநாதபுரம்
பங்கேற்பு : தோழர்கள்
P.வெங்கடேசன் – மாவட்டத்தலைவர் - AIBSNLEA
K.தமிழ்மாறன் – மாவட்ட உதவிச்செயலர் - NFTE
S.தவசிமணி - மாவட்ட உதவிச்செயலர் - SNEA
S.கூரி குணராஜன் - மாவட்ட உதவிச்செயலர் – BSNLEU
N.குமார் - கிளைச்செயலர் – FNTO

தொலைபேசி நிலையம் – சிவகங்கை
பங்கேற்பு : தோழர்கள்
V.மாரி – மாவட்டச்செயலர் – NFTE
K.குமரேசன் – மாவட்ட செயற்குழு உறுப்பினர் – SNEA
S.ஆறுமுகம் – கிளைச்செயலர் – FNTO
P.இரவி – மாவட்ட உதவிச்செயலர் – BSNLEU


தோழர்களே… அணி திரள்வீர்…

Friday, 13 October 2017

ALL UNIONS AND ASSOCIATIONS OF BSNL
BSNL அனைத்து சங்கக் கூட்டமைப்பு

BSNL அனைத்து சங்கங்களின் கூட்டம் 13/10/2017 அன்று காரைக்குடி பொதுமேலாளர் அலுவலகத்தில் AIBSNLEA மாவட்டச்செயலர் தோழர்.V.மோகன்தாஸ் அவர்களின் தலைமையில் நடைபெற்றது. கீழ்க்கண்ட முடிவுகள் எடுக்கப்பட்டன.

கூட்ட முடிவுகள்

16/10/2017 அன்று நடைபெறவுள்ள 
நாடு தழுவிய ஆர்ப்பாட்டத்தை
இராமநாதபுரம், சிவகங்கை ஆகிய வருவாய் மாவட்டத்தலைநகர்களிலும்…
SSA தலைநகராகிய காரைக்குடியிலும் 
மாலை நேரத்தில் நடத்துவது.

நமது போராட்டம் மக்களைச் சென்றடையும் வகையில் பத்திரிக்கைகளில் செய்திகளை வெளியிடச்செய்வது.

16/11/2017 மனிதச்சங்கிலி இயக்கத்தை மிகத்திரளான  ஊழியர்கள் பங்கேற்பில் நடத்துவது. ஓய்வுபெற்ற ஊழியர்கள் மற்றும்
 ஒப்பந்த ஊழியர்களையும் இணைத்துக்கொள்வது.

மனிதச்சங்கிலிப் போராட்டத்திற்கு மாவட்டம் முழுமையும் 
விளம்பரம் செய்வது... விழிப்புணர்வு ஏற்படுத்துவது.

டிசம்பர் 12… 13 இரண்டுநாட்கள் வேலை நிறுத்தத்தை 
முழுமையான முறையில் நடத்துவது.

கூட்டமைப்பு நிர்வாகிகள்

தலைவர்
V.மாரி – மாவட்டச்செயலர் - NFTE

உதவித்தலைவர்  
V.மோகன்தாஸ் – மாவட்டச்செயலர் - AIBSNLEA

செயலர்
M.பூமிநாதன் – மாவட்டச்செயலர் – BSNLEU

உதவிச்செயலர்
A.பாண்டியன் – மாவட்டச்செயலர் – SNEA

பொருளர் 
G.முத்துக்குமரன் – மாவட்டச்செயலர் – FNTO

Thursday, 12 October 2017

ஒப்பந்த ஊழியர் போராட்டம்

ஒப்பந்த ஊழியர்களின் கோரிக்கைகளை வலியுறுத்தி 
திருச்சியில் 02/10/2017 அன்று  நடைபெற்ற NFTCL  கோரிக்கை மாநாட்டில்... 10/10/2017 அன்று தமிழகம் தழுவிய கோரிக்கை ஆர்ப்பாட்டம் நடத்திடவும்... 16/10/2017  முதல் காலவரையற்ற வேலைநிறுத்தம் நடத்திடவும் தீர்மானங்கள் இயற்றப்பட்டன. 

அதனடிப்படையில் 04/10/2017 அன்று NFTCL சார்பாக 
வேலைநிறுத்தக் கடிதம் நிர்வாகத்திற்கும்... 
DY.CLC தொழிலாளர் ஆணையர் அவர்களுக்கும் கொடுக்கப்பட்டது.  உடனடியாக பிரச்சினைகளைத் தீர்க்கச்சொல்லியும்...
 13/10/2017க்குள் உரிய தகவல் அளிக்கச்சொல்லியும்... 
தொழிலாளர் ஆணையர் 06/10/2017 அன்று 
BSNL நிர்வாகத்திற்கு கடிதம் எழுதினார். 
10/10/2017 அன்று நமது வேலைநிறுத்தக்கடிதம் சம்பந்தமாக DY.CLC  நம்மை அழைத்திருந்தார். 

NFTCL தமிழ்மாநிலச்சங்கம் சார்பாக
 மாநிலச்செயலர் தோழர்.ஆனந்தன், மாநில செயல்தலைவர் தோழர்.மாரி ஆகியோர் DY.CLC... RLC மற்றும் ALC ஆகிய அதிகாரிகளைச் சந்தித்துப் பேசினர். 

ஒப்பந்த ஊழியர்களது கோரிக்கைகள் சட்டப்படி நியாயமானது என்றும்... அதனை BSNL நிர்வாகம் நிறைவேற்ற வேண்டியது அவர்களது கடமை என்றும்... தங்களது அலுவலகம் அதனைக் கண்காணித்து வருவதாகவும் தொழிலாளர் ஆணையர் கூறினார். மேலும் அமைச்சருடன் அவர் சுற்றுப்பயணம் மேற்கொள்வதாகவும், தற்போதைய RLC பதவி உயர்வில் பெங்களூரு செல்வதாலும் உடனடியாக நிர்வாகத்தை அழைத்துப் பேச்சுவார்த்தை நடத்திட இயலாத சூழல் இருப்பதை உணர்த்தினார். எனவே நம்முடைய போராட்டத்தை விலக்கிக் கொள்ளுமாறு வேண்டுகோள் விடுத்தார். அதனை எழுத்துப்பூர்வமாகவும் நமக்கு கொடுத்தார். 

எனவே நமது 16/10/2017 முதல் திட்டமிடப்பட்டிருந்த காலவரையற்ற வேலை நிறுத்தம் ஒத்தி வைக்கப்படுகின்றது. ஒப்பந்த ஊழியர்களது கோரிக்கைகள் எவ்வாறு அமுல்படுத்தப்படுகின்றன 
என்பதைப் பொறுத்து... முத்தரப்பு பேச்சுவார்த்தைக்குப் பின் 
நமது அடுத்த கட்டப்போராட்டம் அமையும். 

இதனிடையே தமிழ் மாநில நிர்வாகம் அனைத்துப் பிரச்சினைகளையும் தீர்த்திடக்கோரி மாவட்ட நிர்வாகங்களுக்கும் கடிதம் அனுப்பியுள்ளது. NFTCL  மாவட்டச்சங்கப் பொறுப்பாளர்களும்... 
மாநிலச்சங்க நிர்வாகிகளும் தங்களது பகுதியில் ஒப்பந்த ஊழியர்கள்  
பிரச்சினைகள் தீர்விற்காக கூடுதல் கவனம் செலுத்திட வேண்டும்.